Chwe Cyfarwyddwr yn gweithredu fel Ymddiriedolwyr ar gyfer Ymddiriedolaeth Cadwraeth Castell Rhiw’r Perrai

 Amanda McConnell - Ymddiriedolwr

​​Mae Amanda wedi byw yn ardal Bedwas, Trethomas a Machen ar hyd ei hoes. Mae'n Gynghorydd Sir ar Gyngor Bwrdeistref Sirol Caerffili ac yn cynrychioli Ward Machen, Graig-y-Rhacca, Draethen, Ty'n-y-coedcae a Rhydri. Mae hi hefyd yn Gynghorydd Cymuned i Gyngor Cymuned Bedwas, Trethomas a Machen a Chyngor Cymuned Draethen, Ty'n-y-coedcae a Rhydri. Cyn bod yn Gynghorydd, roedd yn Ysgrifennydd Cyfreithiol i swyddfa Cyfreithwyr brysur.  Mae'n edrych ymlaen at weithio gyda'r gymuned fel bod Castell Rhiw'r Perrai yn cael ei gadw i bawb ei fwynhau.

Charlotte Rogers - Cadeirydd

Mae Charlotte yn weithiwr rheoli proffesiynol llwyddiannus gydag 20 mlynedd o brofiad mewn cyfathrebu, arweinyddiaeth, strategaeth fusnes, cyfrifoldeb cymdeithasol corfforaethol, a rheoli prosiectau. Ar hyn o bryd mae’n gweithio ym maes cyfathrebu a marchnata Prifysgol Caerdydd, ac mae ganddi ystod eang o brofiad ar draws amrywiaeth o sectorau gan gynnwys KPMG a dielw. Mae’n byw yn lleol ym Medwas, Caerffili, ac ers 2021 mae’n arwain yr Ymddiriedolaeth mewn cyfathrebu ac ymgysylltu â rhanddeiliaid, tra hefyd yn cymryd rôl ysgrifennydd aelodaeth.​

Chris Brimble - Ymddiriedolwr

​​Mae Chris yn Bensaer Siartredig a dylunydd trefol, a sylfaenydd Arden Kitt Architects. Ar hyn o bryd mae'n aelod o Gyngor Cymdeithas Frenhinol Penseiri yng Nghymru (RSAW) ac mae'n fentor Myfyrwyr Sefydliad Brenhinol Penseiri Prydain (RIBA), ac yn adolygydd allanol yn Ysgol Pensaernïaeth Cymru. Mae Chris yn ymgyrchu'n frwd dros gynllunio a dylunio gwell ar lefel leol, ac mae'n eiriolwr cadarn dros brosesau mwy cyfranogol a gwneud penderfyniadau o fewn cymunedau. Mae'n hyrwyddo pwysigrwydd gwarchod ein hasedau treftadaeth, fel modd o gyfoethogi hunaniaeth lleoedd a dathlu nodweddion lleol sy'n cyfrannu at greu lleoedd llwyddiannus.

Cynghorydd Chris Morgan - Ymddiriedolwr

Yn beiriannydd wrth ei alwedigaeth, mae Chris wedi byw ym Machen ar hyd ei oes, ac mae’n caru’r awyr agored a chefn gwlad. Mae ganddo angerdd dros ein treftadaeth ac mae’n gyn-gadeirydd ac ymddiriedolwr Ymddiriedolaeth Camlas Mynwy ac Aberhonddu (12 mlynedd), mae hefyd yn gwirfoddoli ar y dyfrffyrdd mewndirol yng Nghanolbarth Lloegr lle mae’n cadw ei gwch cul. Mae'n Gynghorydd ac yn gyn-gadeirydd Cyngor Cymuned Bedwas, Trethomas a Machen, ar hyn o bryd yn Gynghorydd Sir ward Machen a Rhydri ar gyfer Cyngor Bwrdeistref Sirol Caerffili. Ar hyn o bryd mae'n eistedd ar Gabinet Cyngor Bwrdeistref Sirol Caerffili gyda phortffolio ar gyfer Gwastraff, Mannau Gwyrdd a Hamdden.

Dr Elaine Davey - Ymddiriedolwr

Cymhwysodd Elaine yn wreiddiol fel Syrfëwr Adeiladu, gan gwblhau Gradd Anrhydedd yn ddiweddarach mewn Hanes Celf a Phensaernïaeth ac yna PhD gydag Ysgol Cynllunio a Daearyddiaeth Caerdydd ym Mhrifysgol Caerdydd ar rôl Practis Percy Thomas yn 'adeiladu' Gymru drefol fodern.
Mae Elaine wedi ymwneud â nifer o brosiectau treftadaeth ar gyfer sefydliadau amrywiol dros y blynyddoedd ac wedi dal swyddi mewn llawer o gymdeithasau treftadaeth gan gynnwys Cadeirydd grŵp Cymdeithas Fictoraidd Cymru ers 2000 ac Is-Gadeirydd Ymddiriedolaeth Gerddi Hanesyddol Cymru ers 2019. Mae hyn wedi golygu ymgyrchu, trefnu cynadleddau, cyflwyno darlithoedd ac ati.

Jane Price - Ymddiriedolwr ac Ysgrifennydd

Magwyd Jane ger Castell Rhiw’r Perrai ac, yn blentyn, treuliodd dyddiau lawer yn archwilio’r coetir cyfagos ac yn chwilio am drysor y tu allan i dir y Castell. Fel oedolyn, mae'r cariad hwn at Rhiw’r Perrai wedi dod yn angerdd, i'w achub rhag ddatblygiad anghydnaws ac i gynnal harddwch tawel ei leoliad. Daeth Jane yn Ymddiriedolwr ym mis Tachwedd 2022.

Pat Jones-Jenkins - Ymddiriedolwr

Fel Pat Moseley, Pat wnaeth sefydlu Ymddiriedolaeth Cadwraeth Castell Rhiw’r Perrai gyntaf ym 1997. Hi oedd yr ysgrifennydd o dan y Cadeirydd Dr Peter Elmes pan wnaeth yr Ymddiriedolaeth brynu Coed Craig Rhiw’r Perrai yn 2000. Fe wnaeth helpu i sefydlu chwaer Ymddiriedolaeth Cadwraeth Castell Rhiw’r Perrai hefyd, a llwyddo, o dan y Cadeirydd Janet Wilding, i wrthdroi’r cynlluniau tai ar gyfer safle'r Castell yn llwyddiannus mewn Ymchwiliad Cyhoeddus.
 
Gydag ymrwymiad i ddenu cyhoeddusrwydd a diogelu treftadaeth cefn gwlad Rhiw’r Perrai yn ne-ddwyrain Cymru, mae hi wedi cynnal ‘teithiau cerdded a sgwrsio’ ac wedi recordio atgofion gweision, milwyr a phobl leol oedd hefyd yn caru Rhiw’r Perrai. Ymddeolodd fel ysgrifennydd yr Ymddiriedolaeth yn 2020, ond mae'n parhau i gyfrannu fel Ymddiriedolwr.

Sarah Gatehouse - Ymddiriedolwr

Magwyd Sarah yng Nghasnewydd ac yno yr aeth i’r ysgol, gan dreulio penwythnosau yn seiclo'r lonydd o amgylch Rhiw'r Perrai. Wrth ymchwilio i hanes ei theulu, canfu fod ei hen, hen, hen dad-cu yn gweithio fel gwas stabl ar Ystâd Rhiw'r Perrai ar ddechrau'r 19eg ganrif a derbyniodd bensiwn ar ôl marwolaeth Syr Charles Gould Morgan, yr ail Farwnig. Mae ganddi dros 30 mlynedd o brofiad fel Cynllunydd Tref Siartredig a bu’n Arweinydd Tîm Ardal yng Nghyngor Dinas San Steffan. Ers 2016, mae Sarah wedi bod yn hunangyflogedig yn rhan-amser, yn helpu penseiri a chwmnïau cynllunio annibynnol i baratoi ceisiadau cynllunio ac apeliadau a darparu cyngor cynllunio ad hoc ar amrywiaeth o gynigion. Mae gan Sarah MPhil mewn Cynllunio Amgylcheddol a Diploma mewn Cadwraeth.